Cambio di sistema ta algo cu Aviacion Civil tabata boga p’e

admin

Manager Aeronautical Information Affairs, Leonel Yarzagaray


ORANJESTAD  (AAN): Leonel Yarzagaray kende ta manager Aeronautical Information Affairs, ta conta kico lo pasa despues, na momento cu switch toren di un sistema pa otro of si ainda ta depende di e sistema bieu, te ora cu tin tur cos in place.

El a comenta cu tin full un procedura di koppeling hunto cu FAA di Merca, di cual den e proceduranan tin delinea e parti ora cu haci e cutover y si algo no bay bon, tambe ta delinea con ta fall back pa haci e testnan necesario pa procede cu un di dos cutover.

No por premira cu esaki lo pasa pasobra testnan hopi extensivo a wordo haci pa lunanan largo y tin cu bisa cu tur a bay cu exito. Awe ora cu cuminsa cu e cutover, ta spera cu esaki lo bay exitosamente.

E sistema nobo

Esaki ta un cambio cu organisacion internacional di Aviacion Civil a boga pe hopi tempo caba. A haci anuncio na paisnan pa poco poco adkiri e ekipo aki. Tin cu bisa cu esaki no a bay facil. Aruba ta un di e poconan, uniconan den nos region cu ta kedando cla cu esaki. E motibo ta cu tin cambionan den futuro cercano y a termino medio tambe, cu lo mester aparatonan aki pa por cumpli y sigui cu e cambionan aki.

E protocol di AFTEN e XDot 25, ta data for di añanan 70. E ta hopi limita na loke por haci den mundo di data. Por ehempel bo no por pone graphics na dje. Tambe ora cu tin un area cu tin actividad militar. Awendia ta djis manda un texto, pero cu den futuro por haci uzo tambe di graphics pa mustra unda e actividadnan militar ta tumando luga. Ta yuda e parti di siguridad di aviacion.

Unda e ta aparece

E informacionnan cu ta wordo procesa pa medio di AMHS ta bay na nivel mundial. Na momento cu saca un mensahe, tur parti di mundo cu ta esunnan envolvi cu aviacion lo haya e mensahenan aki.

E ta diferente tipo di mensahe. Tin mensahenan por ehempel flightplan. Tur vuelo cu ta lanta for di Aruba mester tin un plan di vuelo. Notam, cu ta mensahenan cu tin di haber cu e parti di aspecto di siguridad, manera si tin actividadnan militar, si tin airwaysnan cu no ta den servicio, etc.

 

 

 

Next Post

Cumplimento cu pago di Televisionnan local ta up to date y ta vigila pa DTZ

ORANJESTAD(AAN): Tin televisionnan local tambe cu mester cumpli cu varios cos. Nan tambe tin un fee cu mester cumpli cun’e. DTZ ta tene esey basta up to date, loke ta trata e crediteurenbestand. Por bisa cu e radionan, canalnan di television ta cumpliendo pa loke ta e normanan, pa loke […]