Cada decision cu tin cu tuma den cuadro di presupuesto mester ta uno cu ta evalua banda banda

admin

Minister Angel Bermudez:

Cada decision cu tin cu tuma den cuadro di presupuesto mester ta uno cu ta evalua banda bandaORANJESTAD(AAN): E cifranan di gobierno y e cifranan di CAFT no ta cuadra. Un ta bisa un cos, e otro ta bisa otro. Por sinti tambe cu e Prome Minister ta sinti, cu si no tin mester no ta bay mishi cu e cartera di pueblo y ta sinti cu ta hopi suave pa situacionnan pa loke ta drecha e situacion financiero. Ta bay cauteloso pa no molestia comunidad.

Segun minister di finanzas, Angel Bermudez, Esey ta e maneho en general di e gabinete, cu caminda cu mas tanto posibel, punto di salida ta cu kier mantene e forsa di compra, muy en particular di esnan cu menos recurso y no ta bay tuma decisionnan drastico cu por bay stroba of minimalisa of mengua e forsa di e compra ey.

Cada biaha, cada decision cu mester tuma den e cuadro di presupuesto mester ta un decision cu ta evalua banda banda, kico e ta trece aden, kico e ta costa pa asina ey ta parti di un maneho structural, pero ta haci’e na un manera cu e ta causa menos daño na propio comunidad, na propio economia.

Tin instituto den pasado manera IMF a conseha pa tuma medidanan drastico dentro di un aña.

Si haci esey ta kibra, no solamente economia, pero ta causa desempleo, ta manda hopi hende cas y ta haya mas problema social economico den comunidad cu a sanea djis pa tin e huishoudboekje op orde.

Esey por ta un focus, un reto pa e boekhoudernan. Esnan cu tin un papel mas esencial, mas importante cu ta e parti di socio economico di comunidad, den e caso aki Aruba, segun e mandatario ta na su luga cu nan ta evalua cada decision cu tin cu worde tuma, ki efecto e tin riba termino corto y riba termino largo Por bin cu 2000 cambio di ley di impuesto cu ta bay genera hopi entrada, pero esey por tin e consecuencia cu kisas ta mata aki aya, cierto parti di comercio y esey nunca naturalmente por ta e meta.

E meta ta cu kier yega na un particion igual di loke tin cu worde paga na caha di gobierno pa asina ey e servicionan cu gobierno ta duna, por worde duna na un manera aceptabel, segun minister Bermudez.

Next Post

Xiomara Maduro di MEP saca di sala di parlamento pa su constante groserianan y mal ehempel

ORANJESTAD(AAN): Groseria tin grens. Pesey mes na dado momento no a keda nada di saca e parlamentario Xiomara Maduro di MEP for di sala. E ta kere cu e expresion grosero constantemente contra presidente di parlamento ta hacie grandi. Den e caso aki despues di basta insulto y groseria durante […]