Bunita concierto di Trupial y tambe acrobacia na Sabana Basora

The content originally appeared on: Diario

ORANJESTAD (AAN): No obstante e ultimo informenan, toch algun ciudadano a mira cu siman a habri bek cu alegria,

tiki mas perspectiva, y sigur pensamento cu tur cos lo mehora, awor cu luna nobo a drenta.

   Un ciudadano di Sabana Basora a mustra con e dia a habri den su area.  El a bisa cu pafo di su cas, net riba e wayanan di coriente y Cable-TV, tabatin un evento gratis.  E ta referi na un ‘Concierto di Trupial’ combina cu acrobacia di nan riba e wayanan aki.

   El a goza di e parhanan aki cu a alegra e mainta p’e, y sigur a admira e beyeza cu e Trupialnan aki ta transmiti, cu nan libertad, y sigur contribucion pa cu e beyeza natural di e isla.

   El a saca algun potret y manda nan pa DIARIO pa asina mas hende por admira di e buniteza aki na Sabana Basora.