Boostershot awor ta disponibel pa hobennan entre 12 cu 17 aña

The content originally appeared on: Diario

Entrante 7 di maart 2022

ORANJESTAD (AAN):  E agencia di medicina Europeo (EMA) recientemente a aproba e di tercer dosis di e vacuna di BioNTecch/Pfizer pa hobennan entre edad di 12 cu 17 aña. E agencia Europeo di medicina ta di opinion cu e vacuna di Pfizer ta suficientemente sigur y tambe efectivo pa wordo duna na muchanan entre 12 cu 17 aña como “Boostershot”.

            Hobenan entre 12 cu 17 aña cu a completa e serie basico di vacuna contra COVID cu ta encera 2 vacuna, entrante dialuna dia 7 di maart 2022 tambe por ricibi nan boostershot si mayor of voogd di e menor ta desea esaki den consulta cu e hoben.

            Pa ricibi e boostershot e hoben mester a ricibi su di dos vacuna minimo 3 luna anterior of mester a cura di un infeccion cu COVID 3 luna pasa.

            Localidad pa vacuna ta na edificio di Departamento di Salud Publico situa na Caya Ing. Roland Lacle # 4 for di 8’or di mainta te cu 4’or di atardi ‘NON STOP’di dialuna pa diabierna, den weekend DVG ta cera of tambe por vacuna na e Unidad Mobiel di Bureau Rampen Bestrijding cu su schedule por ser encontra riba Facebook di Directie Volksgezondheid DVG Aruba y tambe Facebook page di Bureau Rampenbestrijding Aruba.