Booshi Wever contento cu nan campaña

admin



ORANJESTAD (AAN): Diabierna merdia banda di 1:00 pm, drs. Booshi Wever di Partido combina PPA/UPP a yega na Stemdistrikt 54 na St. Michaelschool, pa deposita su voto.

Hunto cune por a mira lider di PPA, Benny Nisbet, kende a bin sostene su partner politico.

E combinacion PPA/UPP a bin ta ofrece pueblo un team di hendenan cu experiencia, cu capacidad, serio, y cu ideanan inovativo.  Ademas, nan a mustra cu nan tin solucion pa hopi problema cu Aruba ta pasando aden.

Nan deseo ta pa contenido y seriedad ta vence populismo y materialismo.

Segun drs. Booshi Wever, el a lanta Diabierna ta sinti su mes positivo, e tabata sinti un vibracion riba e fecha di votamento, y e trankilidad di biento, pa Wever ta e “stilte voor de storm”.

Segun Wever, riba Diabierna anochi pueblo lo bay haya un alivio, unda cu e partidonan nobo ta haci e diferencia.  Na opinion di Wever, si bo kier un cambio den bo pais, mester pone algo nobo.

Partidonan tradicional nunca dispuesto pa haci cambionan, paso no ta cumbini nan.  Si bo kier cambio mester trece hende fresco, pensamento fresco.

Next Post

RAIZ lo sembra den pueblo y tuma bek e pais aki

Ursell Arends, lider: ORANJESTAD (AAN) – Ursell Arends, lider di Partido RAIZ, a vota den Colegio Conrado Coronel, y e tambe a wordo acerca pa prensa, pa conoce su prome impresion riba e dia di eleccion. E hoben millennium a expresa cu despues cu AVP a goberna 1460 dia, un […]