Blue Owls Baseball Organization buscando muchanan pa hunga baseball

admin

ORANJESTAD (AAN)- Blue Owls Baseball Organization ta preparando pa e siguiente campeonato di baseball Little League 2018. E organizacion ta uno nobo pero lo continua den e tradicion di ex-Pepsi Cola. Den pasado e organisacion a produci varios pelotero talentoso y renombra na Aruba. Algun a sobresali hungando den exterior y hasta den Major League den exterior.

Staff di Blue Owls tin hopi aña ta yuda muchanan pa hunga y siña baseball. Nan meta ta pa nan siña e fundamento teoretico y practico di e deporte di baseball pa e mucha tin un lifestyle activo den un ambiente sano, pa desaroya disciplina, norma y balornan y pa traha den un team.

Nan ta ofreciendo e oportunidad na e muchanan registra den e area di San Nicolas Brazil, Savaneta y Pos Chiquito pa join nan den e aventura aki.

Blue Owls lo cuminza cu categoria di edad 9/10 y 11/12, muchanan naci na aña 2006, 2007 y 2008 prome cu September 1, y ta invita nan pa un try out riba tur diamars y diahuebs den e luna di November na veld di Pepsi Cola situa na Juana Mortostraat 116 cuminzando di 5’or pa 7’or di anochi.

E oportunidad aki ta unico y tur mucha cu ta gusta y kier hunga baseball y ta dispuesto pa siña e deporte aki ta bon bini.

Nan ta conta cu coachnan cu hopi experiencia y cu conocemento profesional den e deporte aki.

Pa mas informacion adicional por yama Manager Herman Brown na 5922587 of trainers Rudolf Werleman y Sr. Juan Maduro

Next Post

Ganadornan di Scherm Amateur Bond

ORANJESTAD(AAN)–Diadomingo a tuma lugar un competencia di esgrima na Ibisa San Nicolas na unda un grupo di atleta a tuma parti. Yabaya trata di un competencia relaciona cu ASU Olimpiada. Ganadornan den Infantil na promer lugar Nukiana Thompson, segundo lugar Desmons Trom y tercer lugar Myron Balentin. Den Cadets promer […]