Blue Marlins 8U a titula campeon na La Romana Baseball Classic

The content originally appeared on: Diario

ORANJESTAD (AAN):  Despues di un round robin intensivo, e ekipo di Blue Marlins 8U a logra titula campeon na La Romana Baseball Classic.

Aki e muchanan di 7 cu 8 aña a desplega tremendo baseball pa asina derota e ekipo invicto Miguelon cu un score di 5-2. Pitcher ganador di e partido tabata Jayden Croes, y pitcher relevante Caleb Lacle kende a cera e wega.

            MVP di e torneo tabata Jaxon Erasmus, kende a conecta un triplete tambe durante e wega final. E titulo di Most Triples den e torneo a bai pa Djustin Marin.

            Hungadornan cu a forma parti di Blue Marlins 8U Travel Team tabata: Jaythan Montas, Silyan Tejada, Walter Lacle, Djustin Marin, Isaiah Solognier, Jayden Croes, Caleb Lacle, Litmar Wever, Qsean Luckert, John Maximus Wever y Jaxon Erasmus.

            Un palabra di felicitacion ta bay pa e hobennan kende un biaha mas a sa di demostra nan amor y pasion pa e wega, y a saca cara di Aruba un bes mas.

            Danki tambe na coachnan Walter Lacle, Mark Solognier y Jeremy Erasmus pa nan esfuerso, y tur cu na un forma of otro a yuda of contribui na e organisacion di e viahe y torneo.

            Diadomingo merdia, e team campeon a yega Aruba bek! Masha pabien!