Balor di productonan importa di April te Juni 2022 a yega 605 miyon

The content originally appeared on: Diario

ORANJESTAD (AAN): Minister di Asuntonan Economico, Comunicacion y Desaroyo Sostenibel, mr. Geoffrey Wever,

ta informa cu Oficina Central di Estadistica a publica e ultimo infomacion di cifranan di importacion y exportacion.   Aruba como economia chikito ta importa mayoria productonan cu cada un di nos ta cumpra den supermercado of tienda. Ta trata di entre otro productonan pa uzo diario manera cuminda y paña te material di construccion. E productonan ta yega Aruba via barconan o avionan di diferente paisnan y ta destina pa produccion y consumo local of Freezone.

   Den luna di april te juni 2022, e balor di productonan importa a yega un total di di Afl. 605 miyon. Di e suma aki, Afl. 570 miyon ta destina pa produccion y consumo local y Alf. 35 miyon via Freezone pa exportacion. Tur productonan ta worde categorisa den seccionan manera por ehempel productonan alimenticio. Un dato interesante ta cu e top 5 di berdura mas importa segun nan balor den periodo april te juni 2022 ta: lechuga; tomati, batata (incluso batata dushi), promenton y ciboyo.

   Ministerio di Asuntonan Economico, Comunicacion y Desaroyo Sostenibel ta monitor continuamente desaroyo di importacion y exportacion di productonan y su impacto riba economia di Aruba.