Awe ta e dia cu tarifa di gasolin ta baha cu 25 cent

The content originally appeared on: Diario

ORANJESTAD (AAN): Manera a ser anuncia di antemano caba, awe Diaranson 14 di September e tarifa di gasolin na Aruba lo baha considerablemente.

   Djis pensa con apenas den luna di Juli, na Aruba tabata paga 336 cent pa liter pa Gasolin Unleaded.  Awe Diaranson e lo cuminza wordo bendi na 268,0 cent pa liter.

    Minister di Asuntonan Economico, Comunicacion y Desaroyo Sostenibel ta anuncia e prijsnan nobo di benta di combustibel entrante 14 di september 2022, ta cu Gasolin Unleaded ta baha cu 25,2 cent, pa wordo bendi awor na 268,0 cent pa liter.

   Diesel LS ta baha cu 8,6 cent, pa wordo bendi awor na 269,9 cent pa liter.  Kerosin ta baha cu 10,2 cent, pa wordo bendi awor na 247,5 cent pa liter.