AVP ta bisa cu no por purba censura hende den parlamento a base di su expresion pafo

admin

ORANJESTAD(AAN): Ta mira cu na momento cu un persona ta expresa su mes en contra, of en todo caso, no di acuerdo cu bo pensamento, bo ta bis’e, cu no mag di drenta e edificio mas.

Parlamento ta cas di pueblo segun Marlon Sneek di AVP a declara riba Diamars.

Si un hende drenta, kibra, haci algo contra e integridad fisico di e edificio of ataca un persona cu ta traha den trahamento, por compronde cu ta bay bisa cu e persona aki ta peligroso, no kier pa e drenta den e edificio mas, pasobra e ta un peliger, pa sea e trahado, pa e edificio y asina por keda menciona. Pero un persona cu no a haci nada incorecto, den e edificio, no ta compronde pakico e ta haya un prohibicion cu e no por drenta.

Mañan cualkier otro periodista, cu expresa su mes, cu cualkier miembro di e coalicion cu ta forma awe, lo bay haya un carta asina, bisa nan cu nan no mag di drenta parlamento ye saki no por, segun Sneek, y ta bay riba e mesun punto.

No ta Marlon Sneek nan tabata yam’e, pero ningun dia ningun carta a sali. Caminda cu un carta mester sali, bay direccion di Top 95 of Canal 22, of cualkier un di e medionan aki, pasobra nan ta expresa nan mes na un forma baho di cualkier parlamentario. Ta den bo radio, si ta haya cu loke nan ta bisa no ta bon of ta falta di respet, lo bay corte cu nan.

Pero no cu ta bisa cu no mag di drenta sala di parlamento of en todo caso, edificio di parlamento pa haci trabao, pasobra esey tin cu mira, cu ta bay pa haci trabao. Tin reunionnan publico. Ora cu tin un reunion publico cu un prensa kier drenta, pa coy un item pa uz’e den su noticiero, e no por, pasobra e no tin mag di drenta. Kico ta e puntonan cu el a haci den parlamento, pa bisa cu ta but’e riba un blacklist. Esey ta punto di salida di AVP.

E stoel

Segun Marlon Sneek, esaki ta algo personal. Por a mira dia di huramentacion di parlamentarionan nobo. Tur invitado a cay sinta, saca potret. Riba medionan social hasta por a mira e potretnan aki. Parlamento semper tin e flexibilidad aki pasobra bo kier ta cas di pueblo. Bo kier duna pueblo espacio pa nan por participa. Ta pesey ta habri porta pa nan por drenta, pa nan bin saluda nan famianan, pa duna nan pabien. Loke cu Sneek ta lamenta, cu ta un noticia tabata tin eynan.

No tabata tin ningun momento den e noticia eynan, un insulto, un falta di respet of cualkier otro cos. No ta prome miembro di prensa cu ta haci’e. Ora cu mira e apertura di aña parlamentario, diferente medio di comunicacion cu ta presente, ta haci uzo di e edificio, di e stoel, di e mesa, pa nan por duna nan noticia un tiki mas body, un tiki mas contenido, pa hacie tiki mas interesante.

Ta parti di e trabao di medionan di comunicacion, cu cada biaha mester ta cambiante, pa ta atractivo. Djis ta para dilanti un camara y papia bay, ningun hende ta worry cubo. Cada biaha ta mira cu miembronan di prensa ta mas activo, ta haci uzo mas di potret, di diferente cos, pa duna nan noticia un tiki mas impacto pa nan por ta eyfo y hendenan ta sigui nan, segun Sneek.

Opinion di AVP

E tema di e escudo/logo, ta un tema cu a bisa den comision central, cu a cuminsa bao di AVP. Ta un tema cu a cuminsa for di 2008 den parlamento, cu tabata den e proceso pa yega na su mesun logo como parlamento di Aruba.

 

 

 

Next Post

Polis Maritimo a bay rescata un boto cu tabata drief bayendo lama grandi

ORANJESTAD (AAN): Tabata Diamars pa 9:15 am, cu Polis Maritimo a haya un mensahe di urgencia. Nan a ricibi e informacion, cu tin un boto den problema alrededor di 500 meter pafo di Waf di Playa. Mesora e agentenan abordo di Boto di Polis, a mobiliza pa e area.  Segun […]