Ateliers’89 ta presenta su proximo exposicion Diamars awor

admin

Ateliers'89 ta presenta su proximo exposicion Diamars awor1
Ateliers'89 ta presenta su proximo exposicion Diamars awor2

ORANJESTAD     (AAN):  Despues di su grandioso presencia na Aruba Art Fair, Ateliers ’89 Academia di Bellas Artes Aruba y Fundacion di biaha cu un fuerte y prometedor apertura di e exposicion E  CULTURA DI E COPIA.

   Esaki ta e resultado di su workshop di Diseño Grafico cual lo wordo efectua, DIAMARS 27 di September pa 8pm, na X Duane kantoor na B. van der Veen Zeppenveldstraat den caya grandi SAN NICOLAAS. 

   Si!, den solo un siman di tempo Ateliers ’89 ta lansa un otro exposicion na San Nicolaas, Cu participacion di diferente participantenan di su workshop di Diseño Grafico. Cual nan a traha pa un luna bou guia di e maestra Brasilero -Swiso Nina Paim. Cu participacion di Brenda Every, Agnes Leslie, NoShHa, Luis Hanibal Villegas Hernandez, Romelinda Maldonado, Carl Rijsdijk, Sarai Zoe Ramos, Meyling Leesuy Wong.

   E exposicion aki ta e resultado di cuater siman largo di trabou, unda e diferente participante a bin ta traha y crea solucionnan nobo pa cu nan mes un obra di arte. Atravez di experimento individual bou guia di e maestra presente. Un grupo  unico cu for prome dia a sa di uni y traha na Ateliers ’89. Tur esaki den un ambiente hopi ameno cu ta e resultado di e comunicacion formal durante e simannan cu a pasa, cual ta ideologia di nos workshopnan aki.  Formando asina e presentacion final cu lo ilumina e espacio di exposicion y asina deleita un y tur cu lo bin mira esaki na e apertura.

  Considera esaki como un invitacion personal y bin e anochi aki unda lo honra y conoce e artistanan presente y nan obranan di arte contemporaneo, mas di cerca. Entrada  ta liber.

    E anochi aki lo ta anima pa Fantastic Destiny, High Performance y diferente dj’s y performance. Bin mira e obra mahestouso di VJ Egmar Irausquin. Cu colaboracion porta habri di e galerianan di StudiO, Osaira Muyale y Artista Aruba Art Fair.

Next Post

Tur trahado di Valero lo mantene nan trabao y beneficionan

Richard Arends pa loke ta preocupacionnan di IOWUA: ORANJESTAD(AAN): Richard Arends tabata un di e personanan cu a lidera e team negociado cu Citgo y tambe Valero. Por a sinti cu tabata tin un disgusto y mal contento cu miembronan di sindicato IOWUA, pa loke ta e traspaso di e […]