ATA a lansa un website nobo dedica na comunidad local

The content originally appeared on: Diario

ORANJESTAD (AAN): Cu lansamento di website www.ata.aw, A.T.A. ta sigui comparti informacion entre otro relatonan di prensa,

noticia, informacion, “insights”, diferente estudionan y rapportnan mensual cu resultadonan di turismo y mas. E website aki ta facilita A.T.A. pa ta conecta y pa sigui informa e comunidad local di hopi di locual cu A.T.A. ta dedica na dje.

   Un canal cu ta provee informacion di e organizacion den su totalidad di entre otro, e vision, mision, balor, proposito di A.T.A., informacion di contacto local, y informacion di tur oficina cu A.T.A. tin disponibel den diferente mercado internacionalmente.

   Alavez, e website ta comparti e canalnan local cu A.T.A. ta utilisa pa comparti noticianan relevante cu e comunidad. Esaki ta inclui pagina di medio social Facebook, Instagram, y awor cu un pagina di YouTube pa e mercado local cu ta comparti videonan cu ta worde produci y uza localmente di entre otro, e serie di podcast di A.T.A. Talks About.

   Parti di e estudionan disponibel ta “GenZ & Millenials Report 2023” y estudionan di diferente mercado incluyendo Merca, Europa, Latino America, Reino Uni, Canada, Suiza, y mas. Segun cu A.T.A. ta haci investigacion y/of ta update estudionan y rapportnan mensual y anual, lo comparti esakinan pa medio di e website.