ASTEC y Douane ta extende oranan di servicio na Main Gate

The content originally appeared on: Diario

ORANJESTAD (AAN):  Mike de l’Isle, Gerente/CEO di ASTEC N.V. ASTEC a anuncia cu desde dialuna dia 3 di Mei 2021, e orario di servicio na Main Gate na waf di Barcadera lo cambio y adapta di 7:30 am – 4:30 pm non stop di Dialuna pa Diabierna.

El a indica cu e expansion di orario di servicio na Main Gate di Waf na Barcadera ta debi na e necesidadnan di clientenan pa mas flexibilidad pa atende cu asuntonan di containers.

Nan ta masha contento cu e cooperacion di Douane y tur empleado envolvi pa duna e servicio durante e orarionan extendi pa atende cu containers na Main Gate y nan ta mira padilanti pa un transicion exitoso cu tur partido envolvi”.

Roderick Croes, Director di Douane ta bisa cu den e cuadro di facilita comercio, Douane ta haci uso di e oportunidad pa, hunto cu ASTEC, haci e cambio di orario di servicio posibel na Main Gate di Waf di Carga na Barcadera.

Cu e expansion di orarionan di servicio, e clientenan ta haña mas espacio pa saca nan container cu carga y asina comunidad Aruba por tin productonan mas lihe na nan disposicion.