Aruba Wine and Dine a provee televisionnan mobil pa clientenan di Maris Stella

The content originally appeared on: Diario

ORANJESTAD (AAN):  Den luna di September un biaha mas a tuma lugar Restaurant Week na Aruba y

organizador di e evento Aruba Wine and Dine manera tur aña a dedica parti di e placa genera, na caridad.

E biaha aki cas di cuido “Huize Maris Stella” na  Savaneta a wordo escogi, mirando cu nan a indica cu nan tabata tin mester di equipo mobil di video pa permiti nan pashentnan pa wak television den privacidad di nan camber.

“Nos no tin modo pa pone un television den cada camber  y awor cu nos a ricibi e televisionnan mobil nos a ricibi di Aruba Wine and Dine, nos por provee e servicio na nos clientenan”.

Directamente esaki ta mehora calidad di biba pa nos clientenan y pesey nos ta hopi agradecido mes, segun Vincent Sterring, Zorgmanager na Maris Stella.