Aruba ta wordo representa den competencia “Sport Karate Champions Hip” na Hialeah

The content originally appeared on: Diario

ORANJESTAD (AAN):  KARATE-DO Jin Sen Kai Aruba ta bay ta presente den e Competencia “Sport Karate Champions Hip”,


cu ta wordo efectua awe diasabra 6 di November na Hialeah Gardens High School, cu e representacion di e atleta Gabriel Ali Arguinzones Perez cinta orange,  debutando den e specialidad di Kata y Kumite den e categoria Intermediate Boys 8-9 aña.

   DIARIO a haya sa cu e competencia aki ta hopi significativo pa Gabriel pasobra ta su prome representacion Internacional.

   Su deseo ta pa laga den halto e nomber di su Dojo di Karate, su colegio Sint Aloysius School y e nomber di Aruba resona, sin laga un banda e apoyo familiar cu ta sostene den e excelente disciplina deportivo aki.

   Gabriel ta haci un yamado na tur mucha na Aruba pa bira parti di e disciplina deportivo aki.