Aruba ta un paraiso den situacionnan regional dramatico

The content originally appeared on: Diario

DIARIO a adverti pa aumento di actividad ilegal riba lama 

*Haiti a bira un centro di violencia y di accion peligroso

*Criminalnan arma ta infiltra den grupo di refugiado pa Zuid 

ORANJESTAD (AAN) — Prome Ministro Mr. Evelyn Wever-Croes a kita un peso for di nos ora el a anuncia cu frontera cu Venezuela ta keda cera.

Kico ta wordo discuti entre Venezuela y Aruba sin por yega na un conclusion, nos no sa. Loke nos sa ta, cu un grupo hopi grandi di Venezolano ta sigui bandona Venezuela y ta uni nan mes obligatoriamente na caravananan peligroso pa asina trata alcansa otro pais caminda nan tin famia of amigo.

Organisacionnan criminal y violento segun informacionna cu DIARIO a obtene, lo a haci nan mes indispensabel pa refugiadonan cu solamente tin como meta bandona Venezuela y trata di crea un bida nobo pafor di Venezuela.

Refugiadonan asina ta cay den man di organisacionnan y ta uni na e caravanan di hende cu kier haya un pais nobo pa nan por acomoda nan mes.

Informacion ta papia di violencia , actonan di abuso, e holor continuo di crimen y violencia den e gruponan aki, cu tambe lo tin den su plannan pa amplia su actividadnan y busca forma pa refugiadonan yega Aruba.

Na Haiti ta un horor. Violencia no ta stop. Covid-19 no a stop e confrontacionnan sumamente tristo cu ta keda registra.

Gruponan bon arma a destrui bida normal na Haiti, caminda segun informantenan tin cantidad hende deseaso pa yega Aruba un dia.

Informacionnan ta mustra cu tur pais mester cuminsa prepara pa un tempo nobo di refugiado pa paisnan manera Aruba den un crisis social economico financiero, cu ta exigi tur atencion.

Seguridad nacional ta un problema serio pa Aruba y pa tur otro pais na mundo cu ainda no conoce e fenomeno hamber y miedo y violencia.

Seguin informantenan ta traya di algo horibel.

Pa loke ta trata Haiti ta wordo pensa riba Cuba combina cu Rusia cu den pasado a trata di kibra stabilidad di Haiti pa cambia Haiti de un estado comunista.

Na Venezuela suelanan fertil a wordo entrega na Bellerus, cu ta wordo goberna dor di e amigo di Putin. Mientras Bellarus ta traha riba proyectonan, mas pais cu titulo di subversidad, ta presenta na Venezuela cu Rusia ta considera un estado den alerta pa drenta den accion contra tur cu ta menasa pa comunismo y teoria di terror.

Na e momentonan aki mester mira con por reforsa personal cu tin pa enfrenta e menasanan silencioso cu por trece indirectamentte intranskilidad pa Ariuba.

Aruba mester ta prepara pa atende cu menasa di gruponan di violencia y con eventualmente lo por brinda yudanda pa un pais manera Haiti cu a keda completamente destroso y ta wordo considera un caso propreso di violencia cu ta destrui e pais y su hendenan pero tambe ta bira un amenasa serio pa trankilidad di Aruba y Arubianonan.