Aruba ta confronta cu 125 caso nobo di Cancer di cuero cada aña

admin

ORANJESTAD (AAN): Aunke no tin cifranan di entre añanan 2011 pa 2015 pa e cantidad di casonan nobo di cancer di cuero cu ta worde diagnostica anualmente, specialista di Cuero y Enfermedadnan Venerico, Dr. John Kock ta bisa cu e impresion ta actualmente cu tin mas caso cu apenas algun aña pasa.

E specialista ta splica cu e ultimo cifranan cu tin di laboratorio ta 125 caso nobo pa aña te cu 2010 y den e tempo ey e mes tabata haya 3 pa 4 caso nobo pa luna. Dr. Kock ta sigui bisa cu den e ultimo añanan e ta hayando 3 pa 4 pashent nobo cu cancer di cuero pa siman. Esaki ta conduci pues na e impresion cu actualmente pues cu e cantidad di pashentnan nobo mester a subi.

Cancer di Cuero ta e cancer cu mas hende ta sufri di dje na Aruba y si wak e cifranan mundial, por nota e mesun tendencia. Dr. Kock a comenta cu 1.1 miyon Mericano tin cancer di cuero. E cifranan di World Health Organization ta mustra cu di cada tres caso di cancer, uno ta relata na cancer di cuero y hasta ta papia di un epidemia di cancer di cuero.

Cancer di Cuero ta worde causa principalmente pa daño cu ta sigui acumula di e rayonan ultravioleta (rayonan di solo). Basicamente, si un persona biba hopi tempo, hopi aña exponi na e rayonan ultravioleta e efecto cu ta sigui acumula por conduci na daño permanente y consecuentemente na cancer di cuero.

Dr. Kock ta subraya cu daño severo, esta kemadura di solo cu blaar, ta loke por resulta den transcurso di tempo den cancer di cuero. Exposicion na e rayonan ultravioleta ta algo inevitabel y tur persona mester actua conscientemente pa cu prevencion di cancer di cuero. Dr. Kock a bisa enfaticamente tur hende por haya cancer di cuero, for di e persona mas vulnerabel, esta muhe y hombernan blanco cu wowo blauw y cabey cora te na e persona cu color di cuero mas scur, kende ta esun menos vulnerabel.

 

Next Post

Aruba ta na drempel di un presupuesto balansa

Prome Minister Mike Eman: ORANJESTAD (AAN): A compaña e oferta cu a haci di presupuesto 2016 na instancianan cu tin cu presenta esaki maner CFT. Tambe cu pronosticonan riba nan ta spera na posibel reapertura di refineria. Si mira cu e presupuesto 2016 riba propio forsa, sin e refineria ta […]

Aruba ta confronta cu 125 caso nobo di Cancer di cuero cada aña

admin

ORANJESTAD (AAN): Aunke no tin cifranan di entre añanan 2011 pa 2015 pa e cantidad di casonan nobo di cancer di cuero cu ta worde diagnostica anualmente, specialista di Cuero y Enfermedadnan Venerico, Dr. John Kock ta bisa cu e impresion ta actualmente cu tin mas caso cu apenas algun aña pasa.

E specialista ta splica cu e ultimo cifranan cu tin di laboratorio ta 125 caso nobo pa aña te cu 2010 y den e tempo ey e mes tabata haya 3 pa 4 caso nobo pa luna. Dr. Kock ta sigui bisa cu den e ultimo añanan e ta hayando 3 pa 4 pashent nobo cu cancer di cuero pa siman. Esaki ta conduci pues na e impresion cu actualmente pues cu e cantidad di pashentnan nobo mester a subi.

Cancer di Cuero ta e cancer cu mas hende ta sufri di dje na Aruba y si wak e cifranan mundial, por nota e mesun tendencia. Dr. Kock a comenta cu 1.1 miyon Mericano tin cancer di cuero. E cifranan di World Health Organization ta mustra cu di cada tres caso di cancer, uno ta relata na cancer di cuero y hasta ta papia di un epidemia di cancer di cuero.

Cancer di Cuero ta worde causa principalmente pa daño cu ta sigui acumula di e rayonan ultravioleta (rayonan di solo). Basicamente, si un persona biba hopi tempo, hopi aña exponi na e rayonan ultravioleta e efecto cu ta sigui acumula por conduci na daño permanente y consecuentemente na cancer di cuero.

Dr. Kock ta subraya cu daño severo, esta kemadura di solo cu blaar, ta loke por resulta den transcurso di tempo den cancer di cuero. Exposicion na e rayonan ultravioleta ta algo inevitabel y tur persona mester actua conscientemente pa cu prevencion di cancer di cuero. Dr. Kock a bisa enfaticamente tur hende por haya cancer di cuero, for di e persona mas vulnerabel, esta muhe y hombernan blanco cu wowo blauw y cabey cora te na e persona cu color di cuero mas scur, kende ta esun menos vulnerabel.

 

Next Post

Aruba ta na drempel di un presupuesto balansa

Prome Minister Mike Eman: ORANJESTAD (AAN): A compaña e oferta cu a haci di presupuesto 2016 na instancianan cu tin cu presenta esaki maner CFT. Tambe cu pronosticonan riba nan ta spera na posibel reapertura di refineria. Si mira cu e presupuesto 2016 riba propio forsa, sin e refineria ta […]