Aruba mes ta bezig aworaki c’un proyecto na Nacionnan Uni pa wak unda e prioridad di SDG’s Aruba lo mester ta

The content originally appeared on: Diario

Jocelyne Croes, directora Departamento di Relacionnan Exterior

ORANJESTAD (AAN):   Jocelyne Croes, directora Departamento di Relacionnan Exterior, voorzitter SDG commissie a elabora riba e importancia di e 17 metanan mundial pa Desaroyo Sostenibel (SDG’s)  y pa cual pais esaki ta. 

            Esaki ta 17 meta cu ta relata na tur pais na mundo y na tur cartera di tur gobierno. Ta trata di trabaonan cu mester wordo haci pa mehora un situacion den un pais en general, a bisa.

            Croes a sigui bisa cu pa Aruba mes ta bezig aworaki c’un proyecto na Nacionnan Uni pa wak unda e prioridad di Aruba lo mester ta. Ta realisando un analisis anual di unda Aruba ta aworaki y loke falta pa yega na 2030 pa asina por conseha riba e maneho cu ta miho pa focus riba dje.

            Loke ta remarca den e ultimo temponan cu ta bin trahando ta cu ta focus riba 17 meta pa haci cambionan grandi y pa a corto plaso por ta mihor pa un par di SDG’s, a indica.

            Jocelyne Croes ta haya cu mirando e situacion cu ta bibando internacionalmente, cu loke ta trata reduci desigualdad, tambe e parti cu ta caba cu pobresa ta hopi importante. Mirando cu Aruba ta un isla chikito, caminda e impacto di e cambionan di clima ta afecta y ta bay afecta mas, p’esey cambio di clima ta hopi importante.

            E bon di SDG’s ta cu tur e metanan ta interconecta. Asina cu traha riba un por wak con e tin influencia riba otro.

            Pa loke ta e SDG’s tur pais a acorda cu pa 2030 ta bay traha riba nan. Prome tabatin e Millennial Development Goals (MDG) cu tambe tabata un programa di Nacionnan Uni enfoca den 2015.

            Nacionnan Uni ta tuma 15 aña cada biaha pasobra mas cortico ta mucho tiki y mas largo ta mucho hopi. E diferencia entre SDG’s y MDG’s ta cu SDG’s ta pa henter mundo, hasta pa paisnan desaroya, a remarca.

            Aruba ta bin ta trahando cu Nacionnan Uni un ‘roap map’ pa por implementa SDG’s. Esaki a wordo tuma como inspiracion of base pa traha e plan strategico nacional. Di esey ta trahando riba otro manehonan cu gobierno tin riba por ehempel, riba enseñansa, energia, salud publico. Tur base riba principionan di SDG’s, Croes a finalisa bisando.