Aruba Bank a organisa un “Wellness Event” pa su empleadonan

The content originally appeared on: Diario

Despues di e exitoso conferencia di FADA “Mind Matters”

ORANJESTAD (AAN):  Aruba Bank ta comparti su “Wellness Event” organisa pa su empleadonan cu a tuma lugar recientemente, despues di e exitoso conferencia di “Mind Matters” organisa pa FADA. E evento aki, organisa durante e luna di Salud Mental, tabata tin como meta pa reforsa e importancia di bienestar di empleadonan den e organisacion.

            Marcelino Mauricio, un orador distingui conoci pa su charlanan motivacional, a forma parti di e evento como e invitado especial, compartiendo un evento di bida profundamente personal cu e audiencia. E evento a presencia un participacion notabel for di empleadonan di Aruba Bank, cu discusionnan positivo, preguntanan al caso, y interaccion durante henter e evento.

            E departamento di “Human Resources” ta expresa su gratitud sincero na tur empleadonan cu a asisti na e evento, reconociendo nan dedicacion pa prioritisa salud mental y nan bienestar en general. E evento aki ta enfatisa ainda mas e compromiso firme di Aruba Bank su pilar fundamental di “We Care”, reafirmando su sosten pa iniciativanan di bienestar di empleadonan.