Aruba Bank a organisa un exitoso “Branch Brawl Soccer Edition”

The content originally appeared on: Diario

ORANJESTAD (AAN): Aruba Bank ta contento pa comparti e exitoso “Branch Brawl Soccer Edition”,

cu a tuma lugar recientemente na Compleho Deportivo Franklyn Bareño. Empleadonan di nos branch di Camacuri y Hato a competi den un parti amical y bon anima. Camacuri a sali victorioso cu un score di 4-3, demostrando nan “teamwork” deportivo.

            Un evento asina ta parti di e compromiso di Aruba Bank pa cu su empleadonan. A duna un oportunidad pa e participantenan uni forsa despues di trabou, promoviendo un estilo di bida saludabel y activo mientras cu nan ta reforsa balornan di ekipo, dedicacion, y respet mutuo.

            E evento a ser atendi pa famia y amigonan di empleado, creando un ambiente anima. Esnan cu a yega veld a disfruta un anochi di diversion.

            Aruba Bank ta expresa su gratitud na tur participante y organisadornan cu a contribui na e exito di e evento aki. Nos ta spera mas actividadnan manera esaki den futuro.