Aruba Art Fair ta e plataforma cu lo reactiva arte y cultura den San Nicolas

admin

Natusha Croes ta Artistic Liaison di Ministerio di Cultura

Aruba Art Fair ta e plataforma cu lo reactiva arte y cultura den San NicolasORANJESTAD (AAN): Diaranson 22 di juni tur luz lo ta riba San Nicolas ora cu oficialmente lansa Aruba Art Fair. Natusha Croes cu ta e artistic liaison di Ministerio di Cultura, ta splica cu Aruba Art Fair ta un plataforma cu kier duna un enfoke special na artistanan di tur generacion unificando e aspecto artistico cultural na Aruba. comunidad completo ta keda invita pa experiencia un chispa di e reactivacion cu lo tuma luga na San Nicolas unda cu lo por topa cu diferente generonan artistico.

   Lo ta bay tin presentacion di baile, poesia combinacionnan di diferente arte, instalacion di arte, y ta bay tin tambe coleccion di pintura. Intencion ta pa duna espacio na tur e artistanan activo pa demostra nan talento pa duna inicio oficial na e movecion artistico na caminda pa september proximo.

   Na mes momento ta haci un invitacion cordial na tur artista of tur cu tin e pasion artistico pa forma parti di e movemento aki na caminda pa e Art Fair pa asina laga Aruba cera conoci cu tur e diferente talentonan cu nos tin riba nos isla. Natusha Croes ta comenta cu e evento di diaranson ta simplemente un porta cu ta habri y ta spera cu mas artista por drenta y haci di e evento aki uno espectacular.

   E ta sigui splica cu na Aruba awor tin un desaroyo un asina yama ‘momentum’ unda por mira formacion di varios artistanan den nan trabao y por mira tambe e reconocimento di e trabaonan di artistanan tambe.  Tin varios proyectonan y evento cu ta andando pa desplega tur e diferente artenan pero por nota tambe e interes creciente pa compra di nos artenan local.

   Natusha ta splica cu kier pone mas enfoke riba e mercado di arte y stimula e mercado di arte entre nos comerciantenan y nos comunidad engeneral pa asina incentiva e aprecio pa arte na Aruba dunando e balor na e artistanan y nan trabao.

Next Post

Juve gaat voor Alexis Sánchez

VOETBAL – Juventus moet op zoek naar een nieuwe aanvaller, nu Álvaro Morata is teruggekocht door Real Madrid. De Italianen denken nu aan Arsenal-spits Alexis Sánchez. (Goal)…[+]