Aruba a gana team di Rep. Dominicana pero a perde contra Honduras

The content originally appeared on: Diario

MiamiCup 2024

MIAMI: E ekipo di ASA Elite Sub-12 cu ta participando na MiamiCup 2024, riba Diaranson mainta pa 8:00 am, a enfrenta e ekipo Formando Campeones Academia de Futbol di Republica Dominicana.

    Den e wega aki, Aruba a hunga bon y a logra finalisa e wega ganando cu score di 2-0.

   Mas laat pa 11:45 am, Aruba a enfrenta e ekipo Academia Chamaco Guifarro di Honduras, y aunke Aruba a logra anota un goal, e team Hondureño a logra sali ganador cu e score final di 2-1.  Esey tabata e prome derota di e team Aruba.

   Aruba su futbolistanan a sa di demostra tremendo coordinacion y wega cu e bala riba veld.  Pero finalmente a perde un wega.

   E team di Honduras a sali e ora No. 1 di grupo A.  E team Ultimate Performance Training FC di Merca a sali No 1. di grupo B.  Nan dos lo competi Diabierna mainta pa saca ganador di MiamiCup 2024.

   E team di Aruba a duna tur cos den e tempo fuerte ey, di riba 33º Celsius y cu humedad di 72%