Areglo pa Chevron Venezuela por influencia caso frontera?

The content originally appeared on: Diario

Estadia di Prome Ministro na Hulanda y desaroyonan den region


Cargo di azeta dor di Crevron no ta loke Maduro mes a spera
Restriccion den areglonan financiero lo ta problema pa Maduro 

ORANJESTAD(AAN)- Aunke nada oficialmente a wordo bisa y informantenan di DIARIO solamente ta asumi, tin indicacion cu durante e bishita di Prome Ministro na Hulanda, e frontera entre Aruba y Venezuela lo ta na discusion.

E desaroyonan total na Venezuela, ta haya atencion mundial manera DIARIO a splica na su lector durante ultimo simannan, ya cu mester busca solucion pa e problemanan humanitario na Venezuela.

E cantidad di refugiadonan pero tambe e cantidad di Venezolanan cu ta den problema social serio na nan pais, ta motibo di preocupacion pa henter region cu tambe ta vigila e desaroyonan rond e amistad cada bez mas estrecho entre Maduro y Iran.

Informacionnan insistente ta indica, cu Reino Hulandes tin su reserva pero cu e momento pa decisionnan wordo tuma den etapa, ta yega mas cerca.

Merca despues cu e gruponan di Maduro y Guaido a reuni en busca di un solucion politico pa gobernacion di Venezuela, a bay di acuerdo pa permiti Chevron entrega petroleo na Merca y esaki a crea un ola di perspectiva cu no tabata completamente berdad durante e ultimo dianan.

Chevron a haya permiso pa sigui cu su exportacion di su azeta, pero ta Maduro lo tin problema pa acepta e areglo ya cu e placa lo no drenta den su man y bou su poder manera el a spera.

Tempo di Citgo tabata conoci, con el a comberti e compania den su baca lechero, loke na e momentonan aki sigur Merca lo no permiti.

Merca Diasabra a duna Chevron luz berde pa durante seis luna ta operativo na Venezuela cu privilegionan cu e tabata tin anteriormente.

Sinembargo, Merca ta mantene exigencia serio pa loke ta trata e fluho di placa, mescos cu tur yudansa internacional cu Venezuela por spera, cu mester bay pa e Pueblo di Venezuela y no pa e cartera di Nicolas Maduro.

 Merca den pasado tabata uno di e mercadonan mas importante pa azeta di Venezuela, cu no a ricibi loke el a spera cu ta placa na forma incondicional pa petroleo di Chevron.

Mientrastanto na Hulanda, tin tur indicacion cu lo papia di e forma cu ta sigui atende cu e futuro di frontera entre Aruba y Venezuela.

Lo no ta facil manera por comprende, sigur si tene na consideracion tur informacion peligroso riba tur tereno cu ta sigui bini for di Venezuela.

Paisnan den Reino ta sigui trata e topico pero na forma sumamente cauteloso den un panorama mundial y regional peligroso.

DIARIO ta pendiente informacionnan concreto den un situacion cu ta marca pa pobreza enorme y hamber di Pueblo di Venezuela y entrada di mas y mas grupo subversivo na e pais.