ARA ta e organo cu tin cu warda e informacion di screening di e ministernan

Voorzitter di Algemene Rekenkamer Aruba:

ORANJESTAD (AAN):   Xiomara Croes-Williams, Voorzitter di Algemene Rekenkamer Aruba tabatin un audiencia cu Gobernador Alfonso Boekhoudt  den cuadro di resultado di eleccion.

            El a duna di conoce cu Algemene Rekenkamer ta un 'Hoge College van Staat' y nan ta wordo invita pa un audiencia mescos cu otro institutonan y instancianan.

            El a bisa cu p'e esaki tabata e prome biaha. E tin dos aña y mey como presidente di ARA.

El a agrega cu nan ta esun cu tin cu warda e informacion di screening di e ministernan, locual ta den ley. Den e parti ey, ARA tin un rol y esaki ta un rol nobo.

            Manera a wordo anuncia, Gobernador Boekhoudt primeramente a papia cu Presidente di Parlamento, Raymond Kamperveen. Despues Gobernador ta papia consecutivamente cu miembro postula pa Aruba di College Aruba financieel toezicht, señor Marion Agunbero, e presidente di Raad van Advies, David Kock, e presidente di Sociaal Economische Raad,  Hose Figaroa y e presidente di Algemene Rekenkamer, señora Xiomara Croes-Williams.

            Diamars Gobernador a invita e cabesantenan di lista di e partido politiconan cu a base di e resultadonan electoral.  A papia cu Wendrick Cicilia (AVP), señora Evelyn Wever-Croes (MEP), señora Gerlien Croes (FuTURo) y señor Otmar Oduber (PPA).

            Ta spera cu e consultanan lo por a finalisa riba diaranson 11 di december.

            E siguiente paso den e proceso di formacion ta cu, a base di e resultado di e consultanan, lo designa un informador y lo formula e encargo pa e persona en cuestion.