Apertura di ‘E Curandero Nutrition Center’

The content originally appeared on: Diario

Un vision di Dr. Sandy Roga cu a bira realidad

ORANJESTAD (AAN):  Diabierna 24 di Juni, 2022, fecha di e tradicion di San Juan, un celebracion di cosecha y e apertura di e Centro Nutricional  “E Curandero”, cu ta un cosecha mas di Dr. Sandy Roga.

            Dr. Roga ta eherce e profesion di chiropraxia pa mas cu 19 aña. Eherciendo e profesion di chiropraxia Dr. Roga a desaroya su mesun tecnica cu ta basa riba estudionan cu ela sigui den exterior. Pa añanan Dr. Roga a studia metodonan, pa scucha, sinti, mira y hole di un forma no comun, mas ainda con pa conecta cu e curpa y sigui su intuicion.

            E Curandero ta un Centro Nutricional cu ta ofrece suplemento y productonan pa complementa e profesion di chiropraxia cu Dr. Roga ta eherce.

            Durante e anochi Dr. Sandy Roga a hiba palabra y a splica “E Curandero ta refleha e arte di trata hende den su forma mas natural haciendo uso di elementonan natural”.

            E Centro Nutricional di Dr. Roga ta enfoca na protegé e curpa y e sistema neurologico cu ta yuda pa mehora e funcion di e curpa y ta hiba esaki den su mesun ritmo den balansa bek.

            E Curandero ta brinda productonan cu ta wordo produci a base natural cu ta yuda e curpa humano den locual cu e ta deficiente na dje. Dr. Roga ta agrega “sin energia no tin bida, no tin salud. Sea responsabel, bo salud ta den bo man”.