Antoni Gario a dicidi pone fin na su bida den cel na Shaba

The content originally appeared on: Diario

ORANJESTAD (AAN):   Un noticia lamentabel a circula diadomingo mainta.

Cuerpo di Polis a informa cu diadomingo pa 11:30 di mainta Polis na Warda di Polis Noord a informa Central di Polis cu un preso lo a pone fin na su bida.

             Manera cu e informe a drenta Centra di Polis a despacha ambulance cu maximo urgencia pa Warda di Polis Noord.

            Na yega di personal di ambulance no por a haci nada mas pa cu e persona. Pa 1:05 pm Dr. Texier ta constata morto di e persona W.A.G.M..G. di 52 aña. Ta trata akinan di e conocido musico local Antoni Gario, kende recien a keda wordo deteni como sospechoso den caso di abuso sexual contra su propio yiu muher.

             Cuerpo di Landsrecherche Aruba tin e caso aki bao investigacion. DIARIO como tambe Cuerpo Policial Aruba ta manda palabranan di condolencia na e famia di e fayecido.