Antilla Energy cla pa expande otro aña cu produccion di Bio Diesel na Aruba

admin

Antilla Energy cla pa expande otro aña cu produccion di Bio Diesel na Aruba1
Antilla Energy cla pa expande otro aña cu produccion di Bio Diesel na Aruba2

ORANJESTAD(AAN): Recientemente e compania Antilla Energy a cuminsa duna servicio cu Biodiesel na Jads Dive Center y esaki sigur tabata un logro.

Antilla Energy ta haciendo hopi inversion, cla pa usa biodiesel. Tin hopi esfuerso ta worde haci. Patricia Mitton, Managing Director, Antilla Energy, ta splica cu ora cu a cuminsa na 2006 como Biofuel Aruba, aisna cu nan ta bin ta produciendo Biodiesel desde e tempo ey.

Recientemente a uni cu e compania Canades y a bira Antilla Energy. E enfoke ta pa traha pa expande e uso di biodiesel na Aruba como tambe den Caribe.

Ta hopi facil pa usa azeta sushi. Segun Mitton, nan tin aproximadamente 70% di e hotel y restaurantnan riba e isla cu ta participando den nan programa y nan ta otorga nan azeta sushi, cual ta worde procesa den biodiesel.

Mitton ta sigui splica cu actualmente Aruba no por duna suficiente azeta. Ora cu traha e facilidad di biodiesel pa otro aña, lo ta buscando participante for di otro paisnan den Caribe. Actualmente ta trahando di cerca cu Republica Dominicana y colectando e azeta sushi riba e isla tambe, y eventualmente lo worde manda pa Aruba y procesa y di su banda ta exporta esaki como producto final di biodiesel pa e otro islanan.

Actualmente tin mas of menos 3 persona cu ta colecta e azeta sushi, azeta di motor y azeta di cushina. Mitton mes ta manera e oficina. Otro aña ta expande, ora cu facilidad ta worde construi. Una bes cu e facilidad ta habri, e ora por aumenta e cantidad di trahado.

Actualmente e biodiesel no ta na benta. Loke ta pasa ta restock nan suministro y e material curu. Nan tin un asociacion cu Amsterdam Biodiesel, caminda cu nan ta transporta e material pa nan y pa nan tambe traha biodiesel. Otro aña lo cuminsa back produci biodiesel riba Aruba.

E proyecto cu a tuma lugar ta un oportunidad pa showcase kico Biodiesel por haci pa Aruba y tambe pa turismo, pa un compania manera Jads, cu nan por experencia e beneficio di biodiesel pa asina e ta un experiencia mas dushi pa esnan cu ta riba boto y ta miho tambe pa e bida marino, pa persevera e bunita atmosfera cu Aruba tin.

E hendenan ta mas conciente cu nan bida ta basa riba ambiente natural di e isla cu ta haci sentido cu nan kier sostene e medio ambiente tambe. E ta bay man den man.

 

Next Post

Chinesnan ta cumpra cabritonan horta y mata na cas

Tally Werleman rabia cu si no tin cumprador di cabrito horta no tin hortamento tampoco ORANJESTAD(AAN): E area di Butucu ta destina pa criamento di bestia según criador di bestia Tally Werleman. Semper bay tabata cria y planta eynan. Tur hende ta eynan pa cria bestia. Pero mester cooperacion tambe […]