Accident fuerte cu heridos den cayanan di Eagle

The content originally appeared on: Diario

ORANJESTAD (AAN): Dialuna atardi diferente unidad di Polis a ser manda na e cruzada di Frankrijkstraat y Engelandstraat pa un accident basta fuerte cu hende herida.

   Na momento cu autoridad a yega, nan a bin nota cu debi na falta di preferencia e accident a socede.  Envolvi den e accident tabata un Kia Picanto color blanco cu number V-764, y un Hyundai Santa Fe SUV color shinishi cu number A-46222.

   Mayoria di e impacto di e Hyundai tabata parti dilanti.  E Kia compacto a haya mayoria golpi na banda drechi di e auto, y consecuencia di esey ta cu e ocupante a resulta herida.  Ningun hende den e Hyundai a resulta herida.

   Despues di e impacto, e Kia Picanto a bay ranca un palo di borchi trafico tambe, y casi a kibra un cashi di Setar NV.

   Dos unidad di Ambulans a presenta na e lugar, mientras cu Polis a cera camina pa asina Specialista di Trafico y Roadservice por a haci su trabao.