A pospone caso contra sospechoso cu lo a basha bala riba auto

admin

ORANJESTAD   (AAN)  – Ta increibel e cantidad di casonan di posecion di arma di candela cu ta sosodiendo na Aruba. Loke ta birando mas alarmante ta e cantidad di casonan di tiramento cu ta tumando lugar tambe. No solamente den casonan di atraco arma sino tambe den casonan di hobennan cu ta basha bala, posiblemente relaciona cu asunto di gang.

HOBEN TA BASHA BALA

E hoben A.S. a presenta den Corte di Promer Instancia, pa e caso penal cu Ministerio Publico a cuminsa contra dje. E ta actualmente sera na KIA y miembronan di CEA a trece den sala di Corte.

E acusacion cu Fiscal a presenta contra A.S. ta cu riba 5 Augustus 2016, el a tira hunto cu otronan riba un auto den cual tabatin 3 hendenan sinta.

Fiscal a bisa Hues cu e ta acusa A.S. di ta complice di purba mata of complice purba causa herida severo.

Fiscal tambe a acusa A.S. di a destrui di e windshield patras di un Nissan.

Aserca Fiscal a acusa A.S. cu riba 4 Augustus 2016, e lo a tira riba dos persona. Esaki ta keda cualifica como intento di mata of intento di causa herida severo.

CASO POSPONI

Fiscal a bisa Hues cu e caso a bin dilanti pro forma pasobra ainda e procesverbaal oficial no ta cla. Ariba dje. no tin espacio riba schedule. Fiscal a propone pa trata e caso dia 24 Maart 2017 pa 9’or di mainta.

Den sala di Corte tabata presente, un di e victimanan G. E otro victimanan ta L. y R. no a presenta. Hues a bisa G. cu si e ta desea di haci demanda di daño e lo tin chens pa haci dia 24 di Maart 2017.

Abogado a pidi Hues pa e haya e procesverbaal na tempo pa por studia y papia cu su cliente.

SOSPECHOSO TA TUMA CULPA

Na dado momento e sospechoso A.S. a bisa Hues cu e no ta compronde tur e asunto aki. El a bisa cu e otro dos sospechosonan cu ta deteni, no tin nada di haci cu e caso. El a bisa cu e ta esun cu a tira. E momento ey e abogado a cana bay na dje y a bis’e pa no papia nada tanten cu tratamento di e caso no tuma lugar.

Hues a bisa cu e ta pospone e caso pa dia 24 di Maart 2017 y cu A.S. lo keda sera den KIA pendiente di e caso aki.

Next Post

Crimen no ta paga y bo lo wordo gara

Segun polis; ORANJESTAD(AAN)– Cu e accion rapido di ayera mainta den centro di ciudad y cu a gana un presunto atracador durante buskeda intenso,  Cuerpo Policial ta manda un mensahe na baho mundo cu “crimen no ta paga y cu e chens pa gara Bo tur dia ta bira mas […]

A pospone caso contra sospechoso cu lo a basha bala riba auto

admin

ORANJESTAD   (AAN)  – Ta increibel e cantidad di casonan di posecion di arma di candela cu ta sosodiendo na Aruba. Loke ta birando mas alarmante ta e cantidad di casonan di tiramento cu ta tumando lugar tambe. No solamente den casonan di atraco arma sino tambe den casonan di hobennan cu ta basha bala, posiblemente relaciona cu asunto di gang.

HOBEN TA BASHA BALA

E hoben A.S. a presenta den Corte di Promer Instancia, pa e caso penal cu Ministerio Publico a cuminsa contra dje. E ta actualmente sera na KIA y miembronan di CEA a trece den sala di Corte.

E acusacion cu Fiscal a presenta contra A.S. ta cu riba 5 Augustus 2016, el a tira hunto cu otronan riba un auto den cual tabatin 3 hendenan sinta.

Fiscal a bisa Hues cu e ta acusa A.S. di ta complice di purba mata of complice purba causa herida severo.

Fiscal tambe a acusa A.S. di a destrui di e windshield patras di un Nissan.

Aserca Fiscal a acusa A.S. cu riba 4 Augustus 2016, e lo a tira riba dos persona. Esaki ta keda cualifica como intento di mata of intento di causa herida severo.

CASO POSPONI

Fiscal a bisa Hues cu e caso a bin dilanti pro forma pasobra ainda e procesverbaal oficial no ta cla. Ariba dje. no tin espacio riba schedule. Fiscal a propone pa trata e caso dia 24 Maart 2017 pa 9’or di mainta.

Den sala di Corte tabata presente, un di e victimanan G. E otro victimanan ta L. y R. no a presenta. Hues a bisa G. cu si e ta desea di haci demanda di daño e lo tin chens pa haci dia 24 di Maart 2017.

Abogado a pidi Hues pa e haya e procesverbaal na tempo pa por studia y papia cu su cliente.

SOSPECHOSO TA TUMA CULPA

Na dado momento e sospechoso A.S. a bisa Hues cu e no ta compronde tur e asunto aki. El a bisa cu e otro dos sospechosonan cu ta deteni, no tin nada di haci cu e caso. El a bisa cu e ta esun cu a tira. E momento ey e abogado a cana bay na dje y a bis’e pa no papia nada tanten cu tratamento di e caso no tuma lugar.

Hues a bisa cu e ta pospone e caso pa dia 24 di Maart 2017 y cu A.S. lo keda sera den KIA pendiente di e caso aki.

Next Post

Crimen no ta paga y bo lo wordo gara

Segun polis; ORANJESTAD(AAN)– Cu e accion rapido di ayera mainta den centro di ciudad y cu a gana un presunto atracador durante buskeda intenso,  Cuerpo Policial ta manda un mensahe na baho mundo cu “crimen no ta paga y cu e chens pa gara Bo tur dia ta bira mas […]