A intercepta yola cu varios jerrycan sospecha di contene droga abordo di boto tipo yola

The content originally appeared on: Diario

Autoridad a detene 4 homber di nacionalidad venezolano

ORANJESTAD (AAN):  Diabierna marduga, Wardacosta den bon colaboracion cu Cuerpo Policial Aruba, a logra intercepta un boto tipo yola cu 4 persona riba lama.

            Despues cu a detecta e boto sospechoso, a dirigi dos boto di patruya Metal Shark na e sitio. Durante e persecucion e tripulantenan a tira diferente jerrycan den lama. Pa por a logra stop e boto, personal di Wardacosta a los un tiro di advertencia pa indica na e capitan pa e para e boto. Despues di a logra intercepta e boto, a haya abordo 4 hende homber di e nacionalidad Venezolano.

            E agentenan di Wardacosta a logra saca tur e jerrycans for di awa.

            Wardacosta a entrega e 4 hombernan y e jerrycans, cual ta sospecha cu tin como contenido droga na Cuerpo Policial Aruba. E caso lo sigui den investigacion.