A firma acuerdo di cooperacion entre HAVA, ASHA y AZV pa fortifica e sector di cuido na Aruba

The content originally appeared on: Diario

Minister Dangui Oduber

ORANJESTAD (AAN): Minister di Turismo y Salud Publico sr. Dangui Oduber ta orguyoso pa anuncia cu awe a firma un acuerdo den un manera di ‘samenwerkingsovereenkomst entre Stichting Huisartsenvereniging Aruba (HAVA), Asociacion di Specialista Hospital di Aruba (ASHA) y Algemene Ziektekosten Verzekering (AZV) pa por sigui fortifica e sector di cuido na Aruba.

            Director di AZV, sr. Edwin Jacobs a hiba algun palabra den nomber di Ministerio di Salud Publico, tocante e acuerdo “zorgakkoord” cu na Juli 2023 a cera entre tur e “stakeholders” pa enfoka mas ariba tur e areanan di cuido cu lo mester wordo fortifica durante e proximo añanan.

            Ademas di esaki mester sigui percura cu sector di cuido por keda financieramente pagabel y cu por sirbi cu e demanda.

            Den cuadro di esaki Dokter van Trigt tambe a hiba algun palabra pa expresa su bon contento pa e colaboracion entre tur e stakeholders nan pa mantene e calidad di cuido halto na Aruba.

            Durante e ultimo añanan tabata tin hopi mehoracion y ta sumamente importante pa sigui evalua y sinta hunto pa percura pa bin cu solucionnan ariba tur e puntonan dificil pa yega na un cuido cu ta mas accesibel, mas eficiente y menos costoso pa nos pais aruba.

            Despues Dokter Randall Leong tambe a comparti cu e ta positivo cu e acuerdo aki lo bay trece oportunidadnan nobo pa asina por sigui mehora nos sistema di cuido na Aruba. 

            Minister di Salud Publico, sr. Dangui Oduber lo sigui traha pa mehora e sector di cuido na Aruba.

 galleryA firma acuerdo di cooperacion entre HAVA, ASHA y AZV pa fortifica e sector di cuido na Aruba/gallery