Latest News
Home » Latest News » Warda di Polis di Shaba no ta sigur ni pa polisnan

Warda di Polis di Shaba no ta sigur ni pa polisnan

Lider di Sindicato SPA

ORANJESTAD   (AAN):   Warda di Polis na Shaba no ta sigur ni pa e mesun polisnan mas, segun Sr. Edgard Maduro, lider di sindicato SPA.

Varios biaha a geef door na e personanan encarga cu e wardanan, cu e cura no ta apto ya cu den marduga ta haya bishitantenan pa bin wak e detenidonan. A traha diferente rapport, pero nan no ta wordo skucha, pero ta bin saca potret y nunca mas ta wak nan. Mester un solucion, ya cu tur hende ta yega subi tereno di warda di polis manera nada. Esaki ta algo chikito, corda si algo grandi mes pasa.

Sr. Maduro hunto cu otro coleganan, ta di opinion cu e warda di polis no ta apto mas pa ta un warda di polis. Parti dilanti ta duna servicio na pueblo, manera mester ta. Pero ta marduga cu nan ta haya bishita pa yega na unda e detenidonan ta.

Un biaha mas, Sr. Maduro a informa cu diferente biaha e chefnan a wordo poni na altura, y e ta poni tambe den e protocol firma cu ex minister Dowers. Lo bay tin un otro reunion cu e minister di husticia actual, pa papia ariba e protocol aki. E punto aki ta hopi importante, no solamente material pero tambe e siguridad di e mesun polisnan.

Casonan asina semper ta tarda of no ta tende nada mas di dje. E ta algo cu hopi biaha ta wordo puntra, pero no ta haya contesta. Ta ilogico cu un hende por subi tereno di warda di polis asina no mas. Auto y brommernan ta wordo horta for di e tereno di warda di polis, te cu Land Aruba ta para responsabel.

Nan ta spera di mira cambionan per 1 Februari manera cu minister Andin Bikker a priminti, segun Sr. Edgard Maduro, lider di sindicato STA.