Home » Latest News » Tres hende deteni pa horta waya di koper na Punto Fijo

Tres hende deteni pa horta waya di koper na Punto Fijo

ORANJESTAD (AAN): Ultimo temponan tin masha hopi indicacion mustrando cu hortamento di waya di koper na Punto Fijo ta aumentando, y cu nan ta smelt y esaki y mande pa sea Aruba of Curacao pa asina cambia esaki pa placa.

No tin ningun prueba cu esaki ta pasando.

E siman aki, tres homber a wordo gara pa autoridad di Guardia Nacional Bolivariana despues cu nan a horta waya di koper.

Esaki a pasa den sector Adicora di Falcon, ora cu militarnan tabata haciendo patruyahe y a topa cu nan.  Pa colmo e dianan aki ainda estado Falcon tin problema serio cu suministro di awa y electricidad.

Un homber di 34 aña, uno di 40, y otro di 25 aña a wordo gara cu 60 meter di waya di koper, cu un peso di como 90 kilo.

Autoridad a aumenta nan control riba e tipo di casonan aki.  Pasobra nan ta indica cu hortamento di waya di koper a pone henter peninsula di Paraguana keda sin coriente y suministro di awa.