Home » Latest News » Ruben Rozendaal haya morto cu man robez corta den apartamento

Ruben Rozendaal haya morto cu man robez corta den apartamento

ORANJESTAD (AAN):—E sospechoso di e asina yama “Decembermoorden” na Suriname,  Ruben rozendaal, y cu tambe ta wordo sospecha di  ta complice den e golpi di estado na 1980 probablemente lo a pone punto final na su biba despues di a scucha na luna di October ultimo exigencia di 10 aña di prison contra dje.

Ta asina cu diabierna anochi e curpa sin bida di Ruben Rozendaal a wordo haya den un apartamento situa den Maikoe straat na Paramaribo Suriname y mesora autoridad a wordo alarma.

Dokter a presenta y a constata cu man robez di Ruben tabata corta cu blade y consecuentemente el a muri debi na perdida di sanger.

Segun informe for di Suriname di 30 October ultimo net despues a scucha castigo exigi pa fiscal di 10 aña contra dje, Ruben lo a expresa na miembronan di prensa di lo comete sucidio.

E “no por carga esaki y e ta haci dolor probablemente e mes lo haci sacrificio debi cu e no a planea y e no tabata presente na e matansa”, e lo bisa durante cu e tabata wordo entrevista pa prensa.

“ Y ningun hende no mester tuma mi na malo, esaki lo ta mi kier “ el a agrega. E ex militar (Ruben Rozendaal) a haya shock di a scucha e castigo exigi ya cu el a spera absolucion (vrijspraak).

Rozendaal ta un di e 16 nan cu a comete coup den luna februari 1980  riba ordo di e tempo ey lider militar  Andre Kamperveen y Fred Derby cu a wordo busca na cas y entrega den Fort Zeelandia . E tabata tambe e homber cu a pega e edificio principal di sindicato na candela. Kamperveen mas despues hunto cu otronan hombernan a wordo mata (ehecuta).