Home » Latest News » Poder di Hubentud activo pa 2017 tambe

Poder di Hubentud activo pa 2017 tambe


ORANJESTAD (AAN): Poder di hubentud a start sali unda e aña aki ta conta cu un grupo di hoben cu ta encarga pa drenta den comunidad y hunto cu mas persona busca nominadonan pa 2017. Comicion di Poder di Hubentud tin e meta pa e aña aki yega 30 nominado y guianan pa nan bira lidernan prominente den nos pais. Edad di participacion ta di 12 te cu 24 aña.

Faltando un siman mas pa sera insribcion, comicion ta encurasha clubnan social, deportivo, cultural of school pa manda nomber di e hoben cu ta destacando den e diferente categorianan. Ta importante pa splica cu detaye pakico e hoben mester worde nomina. Kico ta locual e ta haciendo den comunidad of den su seno cu ta hacie un hoben diferente y exitoso. Nos tin hopi hoben cu ta haci cosnan positivo pa nos pais y nos mester duna nan e reconocimento pa esaki.

Hobennan cu ta destaca riba tereno social, deportivo, trabao boluntario, mehoracion personal, media y tecnologia ,cultura y arte, sciencia lo ricibi un reconocimento special na final di 3 luna di guia. E Comision cu ta resorta bao ATHA ta trahando duro pa asina presenta un super programa pa e hobennan durante di e vakantie aki. Un proyecto importante pa sigui educa y guia hobennan di nos isla. Mayornan y famianan cu sa cu tin hoben cu ta destaca den un of otro sector por inscribi’e ainda via ATHA. Por download formulario for di www.athaaruba.org. Nos mester apoya hobennan cu ta haci bon den nos pais y atravez di Poder di Hubentud su programa, nos ta duna nan e oportunidad aki. Cada hoben por saca mas probecho posibel di e proyecto aki siguiendo e cursonan cu lo worde ofrece na nan.

Pa 3 luna e hobennan lo recibi diferente curso entre otro di motivacion y liderasco, siña riba nan derechonan, con pa maneha cu nan placa, higiena personal, public speaking y otronan.

Dia 22 di Mei ta sera oficialmente inscribcion, abo por haci e diferencia den comunidad y duna un hoben e oportunidad di crece y desaroya den un forma sano.

Si por tin cualkier pregunta por yama ATHA na 582-3773.