Home » Latest News » Persona a come potted-meat y a bira malo

Persona a come potted-meat y a bira malo

ORANJESTAD (AAN): E tin hopi aña comiendo e conocido Potted-Meat (na Aruba yama tambe Pot-Ham) y nunca a haya problema cune.  Te cu e siman aki ora cu el a come Potted-Meat cu buscuchi.

Un dama biba Pabao di Brug, algun rato despues a cuminza sinti malo, a haya rash na su curpa, y a cuminza vomita tambe.

Den un rato di ora el a bira basta malo.   El a dicidi pa no bay busca yudanza di Docter, y a djis bebe un Thee di Kanebloem (Manzanilla) pa calma su stoma, y despues a bay drumi.

No ta conoci kico a pone e dama bira malo, pero e ta sospecha cu ta e bleki di Potted-Meat.  Aunke por mira aki cu ainda e fecha di caduca no a yega.  Tog tin un tiki deuk na e bleki, y no ta conoci si acaso esey ta e causa.