Home » Latest News » Honda Accord a subi cruzada sin slow down y pone truck bolter

Honda Accord a subi cruzada sin slow down y pone truck bolter






ORANJESTAD(AAN): Un accident basta fuerte a keda registra Diamars mainta na Eagle.

Algo pasa di 11:45 am, varios patruya a bay den Schotlandstraat, na altura di Ling & Sons, unda tin un accidente basta pisa.

Eynan nan a bin topa cu un Honda Accord color berde, numera A-69212 y un truck di Oranjestad Laundry cu number DT-481.

Segun un testigo cu tabata coriendo tras di e Honda, dicho auto tabata bayendo tur cu tin y na momento cu e tabata yegando e crusada, e no a para y duna preferencia.

Mientras tanto e truck tabata bayendo direccion pabao den Schotlandstraat.

Asina e Honda a bay dal den e wiel di e truck, cu e consecuencia cu e truck a kentel y cay den banda.

E Honda a sufri basta daño material. Ambulance y Vehiculo di Rescate di Cuerpo di Bombero a presenta pa asina saca e chauffeur for di e truck.

E chauffeur den e Honda tabata basta spanta y tabata halando rosea basta pisa. Personal di ambulance a traha cun’e y despues a transporte pa hospital. Brandweer a corta e windshield di e truck pa asina por a saca e chauffeur, pa despues dun’e asistencia medico.

E chauffeur di e Honda Accord no tin rijbewijs pa colmo. Takelwagen a presenta pa asina pone e truck back riba su wielnan, y despeha e caminda, haci’e liber back pa trafico.