Home » Latest News » Frank Arends di Aruba Airlines: Tin den plan cuminza bula pa Colombia y tambe pa New York ORANJESTAD (AAN): Despues cu oficialmente Aruba Airlines a baha oficialmente na Corsow, segun Frank Arends, e tabata hopi bon. Corsow ta bayendo hopi bon. A haci dia 25 cu a pasa, un luna cu ta operando Corsow y e reaccion ta hopi bon pa e comienso. Ta operando actualmente 80% di e ocupacion cu nan tin. Awor den e temporada aki e movecion ta subi mirando fin di aña. Nan tin hopi booking caba pa e tempo di carnaval y tambe fin di aña pa bin Aruba of bay Corsow, caminda famianan ta bishita otro. Ta hopi contento riba esey, entre e vuelo Aruba-Corsow. Awo pa Boneiro, prome cu a cuminsa cu e vuelo comercial a haya yamada for di e fundacion cu ta pa e hendenan cu tin cu bin pa tratamento medico na tanto Corsow y Aruba, Aruba Airlines a wordo acerca y a bisa cu lo bay mesora, haci e vuelonan aki, pasobra tin dos avion. Un ta para na tera pa standby, pero por uz’e. E ora a bisa cu lo bay drenta den e negoshi aki cu e fundacion encuestion. Ta premira cu na Januari, aparentemente sra. Zambrano di e fundacion, a bisa cu ya caba e tin pensa di bin Januari Aruba pa por cera un deal riba cada trayecto pa por bula of tin cu bay pone un vuelo kisas adicional pa por haci esakinan tambe. 2018 lo bay ta un aña hopi decisivo pa e compania, pasobra tin den mente pa bay zuid. Tin den plan Colombia, pero ta bezig ta wak ki destinacion lo scoge. Bogota ta hopi satura. Tin tres aerolinea ta bulando Bogota y tur e pasaheronan cu tin cu bay Medellin, Baranquilla, Cartagena, etc., tin cu bay via Bogota y ta haciendo un estudio. Ya caba a haci esaki y ta solamente scoge entre tres destinacion, cua e lo bay bira, of Cartagena, Baranquilla of Medellin. Esey ta loke e estudio a duna, cuanto hende ta viahando durante luna, durante aña via Bogota, pa e tres luganan aki, cu ta mas tanto hende cu ta haya na Aruba. Ta bay cuminsa cu e ruta Colombia y tambe tin caba den achterhoofd un aña pasa, y e aña aki cu lo bay bula mas nort, cu ta New York of New Jersey. Pero esey ta un biaha mas cu ayudo di un ekipo mas. Tin ekipo awor aki net pa opera locual cu nan tin y cu e ekipo extra cu ta bay trece den e servicio, lo tin cu haci Colombia, conhuntamente Aruba y bayendo nort. E ta sali for di Colombia, sali for di nort, yega Aruba, bay ColoCancer di prostaat ta number 6 en general di malesanan cu hende homber ta fayece di dje na Arubasobra tin e manera pa sigui.

Frank Arends di Aruba Airlines: Tin den plan cuminza bula pa Colombia y tambe pa New York ORANJESTAD (AAN): Despues cu oficialmente Aruba Airlines a baha oficialmente na Corsow, segun Frank Arends, e tabata hopi bon. Corsow ta bayendo hopi bon. A haci dia 25 cu a pasa, un luna cu ta operando Corsow y e reaccion ta hopi bon pa e comienso. Ta operando actualmente 80% di e ocupacion cu nan tin. Awor den e temporada aki e movecion ta subi mirando fin di aña. Nan tin hopi booking caba pa e tempo di carnaval y tambe fin di aña pa bin Aruba of bay Corsow, caminda famianan ta bishita otro. Ta hopi contento riba esey, entre e vuelo Aruba-Corsow. Awo pa Boneiro, prome cu a cuminsa cu e vuelo comercial a haya yamada for di e fundacion cu ta pa e hendenan cu tin cu bin pa tratamento medico na tanto Corsow y Aruba, Aruba Airlines a wordo acerca y a bisa cu lo bay mesora, haci e vuelonan aki, pasobra tin dos avion. Un ta para na tera pa standby, pero por uz’e. E ora a bisa cu lo bay drenta den e negoshi aki cu e fundacion encuestion. Ta premira cu na Januari, aparentemente sra. Zambrano di e fundacion, a bisa cu ya caba e tin pensa di bin Januari Aruba pa por cera un deal riba cada trayecto pa por bula of tin cu bay pone un vuelo kisas adicional pa por haci esakinan tambe. 2018 lo bay ta un aña hopi decisivo pa e compania, pasobra tin den mente pa bay zuid. Tin den plan Colombia, pero ta bezig ta wak ki destinacion lo scoge. Bogota ta hopi satura. Tin tres aerolinea ta bulando Bogota y tur e pasaheronan cu tin cu bay Medellin, Baranquilla, Cartagena, etc., tin cu bay via Bogota y ta haciendo un estudio. Ya caba a haci esaki y ta solamente scoge entre tres destinacion, cua e lo bay bira, of Cartagena, Baranquilla of Medellin. Esey ta loke e estudio a duna, cuanto hende ta viahando durante luna, durante aña via Bogota, pa e tres luganan aki, cu ta mas tanto hende cu ta haya na Aruba. Ta bay cuminsa cu e ruta Colombia y tambe tin caba den achterhoofd un aña pasa, y e aña aki cu lo bay bula mas nort, cu ta New York of New Jersey. Pero esey ta un biaha mas cu ayudo di un ekipo mas. Tin ekipo awor aki net pa opera locual cu nan tin y cu e ekipo extra cu ta bay trece den e servicio, lo tin cu haci Colombia, conhuntamente Aruba y bayendo nort. E ta sali for di Colombia, sali for di nort, yega Aruba, bay ColoCancer di prostaat ta number 6 en general di malesanan cu hende homber ta fayece di dje na Arubasobra tin e manera pa sigui.

Fundacion contra cancer di prostaat

ORANJESTAD   (AAN): E fundacion contra Cancer di prostaat, pa haci nan trabao den comunidad, naturalmente mester di fondo. Segun presidente Jurgen Benschop, nan no tin e fondonan pa paga pa pashentnan bay den exterior. Nan ta meramente un fundacion cu ta duna informacion.

Loke nan ta purba di haci ta, cu e fondonan cu nan ta purba di recauda, ta saca foyeto. Cu e foyetonan aki ta partinan na instancianan cu ta wordo hopi bishita pa nos localnan. Por ehempel oficinanan di dokter di cas, MFA tur rond di Aruba, caminda cu den papiamento crioyo por splica tur hende, kico ta e malestarnan y kico ta e sintomanan. Si nan ta sintoma, bay dokter di cas y haci e PSH test, of sigui haci e testnan mas aleu.

Na Aruba tin ayudo. Tin diferente factor. Tin algun dokter hoben y motiva awor aki den e area aki, caminda cu sigur ta traha hopi di cerca cu nan pa duna informacion y nan ta yuda e fundacionnan aki tambe. E ta den bienestar di tur hende homber, segun Benschop.

Kier garantisa un comunidad sostenibel. Nos hende hombernan ta e pilar di cada famia y si bo no cuminsa cu un generacion hoben pa garantisa cu nan ta haci nan testnan, caminda cu nan por wordo detecta y tuma prevension na tempo, no por garantisa un comunidad sostenibel, pasobra bo ta haya famianan mañan, ta lanta sin nan tata, siendo cu nan por a evita na un edad hoben, tuma prevencion, tuma nan tratamentonan, pa evita cu nan ta fayece di cancer di prostaat.

Si mira estadisticanan, cancer di prostaat eigenlijk ta number 6 en general di malesanan cu hende homber ta fayece di dje na Aruba. E malesa primordial ta malesanan di curason. Pero ta mira den e ultimo añanan cu e cancer di prostaat ta number 6. Toch ta duna un indicacion cu tin algo robes y tin cu atende cun’e. E ta hopi serio pa hende homber na Aruba. Hopi hende, door di machismo, no kier tuma accion. Nan ta warda te ora ta laat. Si bo haya dolor, eigenlijk bo ta laat. Esey kiermen cu ya e cancer a plama y ta afectando e otro partinan di curpa, dunando complicacion.

Cancer di prostaat ta hopi traicionero, pasobra tin cu detecte tempran. Esey ta e magia. Pa detecte tempran, unda cu tin cu tuma medicamento pa tin’e bao di control y evita pa e plama den curpa. Mayoria di hende cu fayece, no ta fayece di cancer di prostaat, sino door di metastasis, unda cu e ta plama y afecta otro partinan di curpa, sea weso, sea riñon, otro partinan cu tin rond di prostaat y esey tin cu evita.

E fundacion ta traha cu urologo y oncologonan basa riba e topico aki, caminda cu ta asisti na charlanan, hunto cu e profesionalnan riba e materia aki, pa yuda duna un sosten tambe y nan ta sostene e fundacion hopi den esaki, pa por duna e informacion corecto na e pashentnan. Ningun di e miembronan di e fundacion ta dokter, pero si a pasa aden, sea cu ta e malesa aki directamente of indirectamente, y kier comparti loke a siña cu comunidad, pa evita cu otro hendenan ta fayece di esaki.

Hopi biaha ta bisa cu e tin di haber cu bo nutricion. Bo tin cu wak, naturalmente kico bo ta come. Por ehempel ta bisa cu sucu ta un cuminda pa cancer. Bo tin cu wak con bo ta come, pero e risico mas halto door cu e ta den bo DNA, den bo sistema, e ora bo tin cu haci bo testnan tempran pa bo combati’e. Benschop ta wordo puntra varios biaha dicon e ta den e fundacion, dicon e ta presidente di e fundacion. El a drenta den e fundacion primordialmente pasobra su tata tabata un pashent di cancer di prostaat. El a fayece di dje. El a haya botmetastasis. A biba cun’e di cerca. Tin cu bisa cu locual cu e mes a maak mee cun’e, ta desea pa ningun hende na Aruba pasa aden. Ta pesey e ta den e fundacion. El a drenta e fundacion tempo cu sr. Rudy Rodriguez tabata presidente. Lastimamente el a fayece di e cancer di prostaat.

Awor aki nan kier yuda otro. Rodriguez tabata laat y na bida el a bisa cu e no kier pa otronan no ta laat. Kier yuda tur hende papia di e topico aki, busca informacion y guianan den e direccion corecto.

Tambe Benschop a agrega cu tin varios caminda cu por haya informacion di e fundacion.

Nan tin nan website cu ta www.prostaataruba.com. Tambe nan tin nan pagina di facebook Fundacion contra cancer di prostaat y nan email ta prostaataruba@gmail.com. Si tin cualkier hende cu kier mas informacion of kier haci donacion, esey tambe ta posibel. Nan tin nan cuenta di banco bao nomber di Fundacion Contra Cancer di Prostaat, bo ta hay’e riba cuenta di banco 82286501 na Banco di Caribe.