Home » Latest News » Famia Planea ta cerando 2017 cu un impacto positivo na scol

Famia Planea ta cerando 2017 cu un impacto positivo na scol

ORANJESTAD(AAN): Famia Planea tabata tin algun encuentro na scol, informacionnan cu nan ta duna y tambe workshop, con nan ta biba cu e hobennan.

IEC Coordinator di Famia Planea, Jonathan Trinidad, a splica cu Famia Planea pa varios aña tin diferente school na Aruba ta acerca nan pa duna diferente charla. Loke ta bunita y positivo pa trece dilanti ta, cu durante di varios aña, vooral e ultimo aña, nan a crece hopi den e aspecto aki.

Nan a cera cu 5 mil mucha y studiante cu nan a bishita y e aña aki e ta casi rond di e mesun cifra, cu un impacto positivo, ya cu esey ta trece cun’e cu nan ta haya mas y mas hoben y mas persona cu ta bira miembro di famia Planea.

Durante e ultimo dos añanan, nan a sa di keda innova y trece tayernan aki dilanti un biaha mas.

E manera di duna workshop ta full adapta na e edad y conocemento. Tambe mas cu claro cada un aspecto di e muchanan. Si por ehempel ta bishita un school special, ta adapta e presentacion na e conocemento cu e muchanan aki por tuma informacion cu nan por ricibi. Esey tambe ta e caso den schoolnan basico, esta di 6 pa 12 aña. Mas cu claro hobennan den school secundario cu ta entre 12 pa 21 aña. Asina tambe bishitando un EPI cu ta mas grandi ainda, entre 16 y tin biaha 25 pa 30 aña y un universidad di Aruba tambe.

Nan tayernan tin mas tanto tin di haber cu diferente topico entre otro loke ta trata no solamente salud sexual pa un persona, pero tambe cambionan di curpa, vooral e parti di prevension, e parti di haci uzo di un producto anticonceptivo. Mas cu claro tambe, stimulando cada un persona, no solamente hoben, pero tambe e adulto pa tuma e decisionnan corecto den bida, ora cu ta trata nan salud sexual.