Home » Latest News » Delegacion di Venezuela ta na Aruba

Delegacion di Venezuela ta na Aruba

Ademas di representantenan di Corsouw y medionan di Corsou y Venezuela

ORANJESTAD(AAN): — Diabierna merdia un delegacion miembronan di gobierno venezolano a yega Aruba pa bin atende cu gobierno di Aruba riba cierto situacionnan cu a presenta.

Manera ta conoci, Gobierno venezolano a prohibi salida y/of entrada for di espacio aereo y maritimo, pa cual motibo a trece un preocupacion pa gobierno di Aruba. Awor un delegacion di Venezuela a yega y ademas tin miembronan di gobierno di Corsou presente. Na bestuurskantoor lo tuma luga un reunion na bestuurskantoor.

Gobierno di Aruba y di Corsou lo reuni cu miembronan di gobierno di Venezuela y for di eynan lo tende mas despues kico tabata e resultado di e reunion aki.

Ta trata aki di un delegacion basta grandi. Tambe tabata tey presente miembronan di media venezolano, pa asina haci e cobertura tambe pa loke ta e bishita di miembronan di gobierno di Venezuela cu ta bin reuni cu miembronan di gobierno di Aruba.

Un cantidad di polis tabata presente pa warda e delegacion sali pa subi auto, pa asina nan move bay direccion di e lugar di reunion

Riba e ruta for di aeropuerto pa e area di reunion, por a mira autonan di polis cu zwaailicht, sperando e momento pa haci e caminda liber pa e delegacion por pasa libremente, mientras cu tabatin varios brommer di polis para pafo.

Segun un di e miembronan di delegacion, ta pone algun asunto di caracter politico cu nan kier defini y una bes discuti, cu lo tin noticia hopi positivo pa ambos pais. Entre otro tey e gobernador di Falcon licenciado Victor Car, vice canciyer pa asunto di Europa ingeniero Ivan Giel, minister di Minas, Victor Cano, Minister di Comercio Exterior Jose Gregorio Bien Masmoray tambe vice minister di Interior y Husticia, Alexos Escalona kende ta parti di e delegacion. Raul Licausi, kende mester tabata tey den e delegacion mes no tabata tey presente, y mester a ocupa di un otro compromiso, pero si relaciona cu e situacion.

E idea ta pa tin un salida faborabel pa ambos pais y cu esaki por permiti sosteniendo e relacionnan historico cu nan tin cu e islanan.

Preocupacion

Posiblemente cu awe mes por soluciona tur cos. Nan tin tur boluntad pa esaki. Esaki ta un invitacion concensual y tabata importante pa Venezuela ta na Aruba.

Parti di e discusion ta e contrabando, segun e representantenan di gobierno Venezolano.