Home » Latest News » Cena di Pasco di Flatstone Seaview Cargo

Cena di Pasco di Flatstone Seaview Cargo







ORANJESTAD (AAN)- E team nobo di baseball Flatstone Seaview Cargo a tene su cena di Pasco pa asina clausura un aña exitoso den cual e team a logra bira campeon invicto den ABBA su campeonato nacional di Baseball den categoria di 11-12 aña recientemente.

E team di Seaview Flatstone a disfruta di un anochi ameno na e restaurant mas nobo di Paseo Herencia Sweet Peppers cu e team completo hunto cu mayornan, coachnan, Presidente di Organisacion Flastone y e sponsor di e team Seaview Cargo.

Durante e cena a hiba palabra Sra. Valerie Pietersz- Camacho cu a duna danki na cada un di e muchanan y mayornan pa nan dedicacion y compromise pa cu e team.

A gradici e coachnan Emichi Thiel y Deion Geerman pa nan bon trabao, pasenshi y tempo cu ta inverti den e team.

Tambe a gradici President di Flatstone Tico Loopstok pa a habri brasa y tuma e team bao di su encargo y Seaview Cargo cu ta e sponsor di e team cu ta zorg pa e team.