Latest News
Home » Latest News » Barconan di fruta ta biniendo for di Colombia aunke prijs ta un tiki mas caro

Barconan di fruta ta biniendo for di Colombia aunke prijs ta un tiki mas caro

Minister Chris Romero: Gobierno mester ofrece proteccion riba importacion

ORANJESTAD   (AAN):   Keto bay fronteranan cu Venezuela ta sera, cu otro palabra no tin trafico aereo ni via maritimo, pa asina por haci transaccionnan cu normalmente ta tuma luga. Minister di Transporte, Sr. Chris Romero ta amplia riba e situacion aki.

Ultimo a reuni cu mandatarionan Venezolano y por bisa cu el a bay na un manera fructifero y constructivo, lastima cu no a keda cla. Un documento mester wordo firma pa habri e areanan pa asina habri pa sigui cu negoshinan cu ta wordo haci normalmente. Esey no a kita afo, cu keto bay e prohibicion ta vigente, caminda cu gobierno di Aruba a hay’e den diferente asuntonan cu diferente solucion.

Un di nan ta cu tin scarsedad na fruta y berdura, pero Sr. Romero tin entendi cu cierto comerciantenan a zorg, dor cu e barconan di fruta ta biniendo for di Colombia, pero tambe di parti di gobierno, a duna permiso na cierto personanan cu kier haci’e, pero por haci esaki solamente cu e ta un tiki mas caro for di Colombia.

Mas aleu, Sr. Romero a informa na otro paisnan, na Santo Domingo, unda cu un tempo tabata tin interes pero no tabata tin mag di trece for di eynan. Awo e caminda ta habri, y pronto barconan lo drenta. Esaki ta un muestra cu algo cu hopi tempo cu Sr. Romero ta bin ta trece dilanti.

Antes e gobierno anterior tabata papia di sostenibilidad. Pero nunca a sali afo ya cu si a traha ariba e area di alimentacion, e siguridad di cuminda, nos mester tabata prepara caba pa esaki. Sr. Romero a informa di ta papiando cu inversionistanan cu ta interesa, studiando e posibilidad pa cultiva nos propio berduranan, pa implementa esaki mas pronto posibel. E medio ambiente ta faborabel pa cultiva nos fruta y berduranan, pa asina abastece pa nos mes.

Gobierno ta bezig ta inventarisando kico tin disponibel y kico tin pa disponibilidad. Tin hopi interes, pero e manera tradicional ta birando menos. Esey no kiermen cu mester bay lag’e perdi. E generacion di awendia no ta esunnan cu ta lanta 4 or di marduga pa sembra. Esun di awendia ta hopi mas moderno y ta uza e tecnologia mas avanza. Tin poco tereno ta posibel pa cosecha mas cu si tin terenonan grandi.

Mester inventarisa cada tereno cu ta disponibel, pa brinda esaki na esun cu kier sembra. Un aspecto importante ta e problema di awa, cu tin añanan andando. Sr. Romero hunto cu Prome Minister a haci bishita na WEB unda cu ta bezig cu nan pa concretisa un proyecto, unda cu por brinda awa na e cunuceronan.

E ta un proyecto cu ta basta leu caba, y mas y mas por wak cu ideanan di gobierno hunto cu esun di expertonan di WEB ta cuadra cu otro. Pa aki paar di siman lo por anuncia cierto proyectonan cu lo tuma luga pa beneficia pueblo di Aruba.

Tocante e importacion di productonan di Santo Domingo, di cual e importadonan ta cla pa haci esaki, pero tin miedo di cu si habri frontera bek, y e consumidor ta bay cumpra bek na esun barata, Minister Romero a bisa di ta analisando esaki.

Mester bin cu un sistema pa un debido control ariba e lanchanan. No por ta asina cu comerciantenan ta cla pa trece productonan, pero gobierno mester ofrece proteccion tambe, segun e minister.