Home » Latest News » ABC informa di otro proyecto riba cual lo ta traha den secreto

ABC informa di otro proyecto riba cual lo ta traha den secreto


ORANJESTAD(AAN)— Aruba Birdlife Conservation (A.B.C.) ta menciona di a wordo informa cu tin ainda un proyecto cu ta wordo traha ariba den secreto na e asina Wetlands.

E informacion ricibi ta cu e proyecto lo ta di 5 mil meter cuadra y lo pasa riba e “Groen Gebied” manera describi den R.O.P. (Ruimtelijke Ontwikkelingsplan) locual ta contra ley.

Esaki ta un di e 16 areanan cu a wordo determina pa parlamento di Aruba pa bira parti di Parke Nacional di Aruba. Pues.., e localidad di e proyecto ta contra deseonan di parlamento.

Segun e informe e compania envolvi lo ta Ace Engineering.

Ex ministro Benny Sevinger cu asistencia di Franklin Abath cu conocimento di e sitio como “Groen Gebied” di acuerdo cu R.O.P. toch a bay di acuerdo cune.

Esaki segun A.B.C. ta di tres proyecto grandi cu ta causa daño na e area importante di naturaleza aki, reconoci internacional pa Birdlife Internacional como un area importante do Pahra y Biodiversidad.

ABC, Aruba Birdlife Conservation, ta haci un apelacion riba tur ciudadano pa informa nan di cualquier informacion cu nan por tin tocante e proyecto aki y su desaroyadornan. ABC ta garantiza anonimidad y lo bay corte pa tata na preveni e proyecto aki di wordo realiza y causa ainda mas daño sin sentido  na e area Wetland di Bubali, segun informacionnan cu a haya tocante e topico aki.