Home » Latest News » A haya 16 persona cu a sobrevivi e naufragio venezolano na Corsou

A haya 16 persona cu a sobrevivi e naufragio venezolano na Corsou

ORANJESTAD(AAN)—Segun informacion di parti autoridadnan venezolano ayera, publicapa El Universal, na Corsou a localiza 16 persona cu a sobrevivi e naufragio di e lancha venezolano cu a dal contra barancanan na costa di Corsou Diaranzon, lagando por lo menos 4 morto, segun autoridadnan venezolano.

“Nos tin caba 11 persona kendenan familia a confirma cu nan ta na bida”, segun Gregorio Montaño, director di Proteccion Civil (PC)

El a informa tambe cu e personanan aki ta scondi debi cu nan a drenta e isla na forma ilegal.

Montañop a splica cu polis di Corsou tin cinco otro sobreviviente di e naufragio deteni. Dos di nan ta den un centro di salud debi na lesionnan cu nan a sufri na momento cu e lancha tabata zink.

El a detaya cu autoridadnan venezolano a logra identifica tres di e cuatro cadavernan haya diaranzon despues di e desgracia – nan ta di 22 pa 24 aña di edad—danki na fotonan cu polis di Corsou a saca y cu nan a wordo identifia di parti nan familia.

“Polis di Corsou a haya ayera curpa di un di cinco pasahero”, segun vocero di polis di Corsou Reginald Huggins.

E lancha a sali diamars anochi for di San Jose de la Costa, estado Falcon, cu mas o menos 30 persona y a naufraga diaranzon ora cu el a dal contra barancanan cerca di entrada di un laguna na Koraal Tabak, Corsou.